ئێران: کرێکارانی کارخانه‌ی چینی ئالبورز له‌ قه‌زوین، هێشتاکه‌ چاره‌نووسیان نادیاره‌

چاره‌نووسی کرێکارانی کارخانه‌ی چینی ئالبورز له‌ ناوچه‌ی پیشه‌سازی قه‌زوین، که‌ له‌ ناوه‌راستی مانگی مارچی 2009دا بڕیاری هه‌ڵوه‌شاندنه‌وه‌ی ده‌رچووه‌ و له‌ ئێستا به‌ته‌واوی ڕاگیراوه‌، هێشتاکه‌ نادیاره‌.نزیکه‌ی 300 کرێکار ئه‌و کارخانه‌یه‌، 5 مانگ و نیو به‌ شێوه‌یه‌کی به‌رده‌وام له‌ به‌رامبه‌ر کۆمپانی کۆده‌بوونه‌وه‌ و چه‌ندین جار له‌ به‌رامبه‌ر فه‌رمانگه‌ی کاری ڕێکخراوی پیشۊسازی قه‌زوین، ده‌زگه‌ی سه‌رۆکایه‌تی کۆماری له‌ تاران و شالیارگه‌ی پیشۊسازی له‌ تاران و … کۆبوونه‌ته‌وه‌، به‌ڵام هیچ وه‌ڵامیك به‌ داخوازی و داواکارییه‌ ڕه‌واکانیانی ئه‌م کرێکارانه‌ نه‌دراوه‌ته‌وه‌. یه‌کێك له‌ کرێکاره‌کان وتی: زیاتر له‌ ساڵێکه‌، که‌ ئێمه‌ هیچ موچه‌یه‌کمان وه‌رنه‌گرتووه‌، له‌ته‌ك ئه‌و هه‌موو قه‌یران و بارودۆخه‌ ناجێگیره‌ ئابووریی و گرانییه‌ی کالاکان، منی کرێکار به‌ 20 ساڵ پێشینه‌ی کاره‌وه‌ چی بکه‌م. له‌م وڵاته‌دا کرێکار له‌به‌رچاو ناگیردرێت و هیچ مافێكی بۆ دیارنه‌کراوه‌.

 

Êran: krêkaranî karxaney çînî alburz le Qezuyn, hêştake çarenûsyan nadyare

 

çarenûsî krêkaranî karxaney çînî alburz le nawçey pîşesazî qezuyn, ke le nawerastî mangî marçî 2009da birryarî hellweşandnewey derçuwe û le êsta betewawî ragîrawe, hêştake nadyare.nzîkey 300 krêkar ew karxaneye, 5 mang û nîw be şêweyekî berdewam le beramber kompanî kodebûnewe û çendîn car le beramber fermangey karî rêkixrawî pîşۊsazî qezuyn, dezgey serokayetî komarî le taran û şalyargey pîşۊsazî le taran û … kobûnetewe, bellam hîç wellamîk be daxwazî û dawakarîye rewakanyanî em krêkarane nedrawetewe. yekêk le krêkarekan wtî: zyatir le sallêke, ke ême hîç muçeyekman wernegirtuwe, letek ew hemû qeyran û barudoxe nacêgîre abûrîy û granîyey kalakan, mnî krêkar be 20 sall pêşîney karewe çî bkem. lem wllateda krêkar leberçaw nagîrdrêt û hîç mafêkî bo dyarnekrawe.