بریتانیا: خۆپیشاندان و ناڕه‌زایی خوێندکاران و فێریاران هه‌ر به‌رده‌وامه‌

دوێنێ 09ی دێسەمبەری2010 ، که‌ پله‌ی گه‌رما له‌ سفر و دواتر گەیشتە ژێر سفر، ده‌یان هه‌زار خوێنکار و و مامۆستا و وانه‌بێژه‌کانی زانکۆکان له‌تەك ژماره‌یه‌کی زۆر له‌ خه‌ڵکانی پشتیوانیگەر، ڕژانه‌ سه‌ر شەقامەکانی له‌نده‌ن و گۆڕه‌پانی په‌ڕله‌مان و ترافگه‌رسکوێر و ده‌وروبه‌ری ئەو تەلارانەی که‌ سه‌رۆكشالیار و شالیاره‌کانیان تێدا نیشته‌جێن و شوێنه‌ هەستیاره‌کانی تر، تاکو فشارێکی زۆر بخه‌نه‌ سه‌ر ئه‌ندامانی په‌ڕله‌مان، که‌ هاوکات دوێنێ لە پارلەماندا ده‌نگیان له‌سه‌ر پرسی خوێندکارانی زانکۆ و بڕینی یارمه‌تی بۆ گه‌نجان و لاوان، ده‌دا.

لە ڕاستیدا ژماره‌ی ناڕه‌زایی ده‌ربڕان تا ئێستاکە به‌ته‌واوی نه‌زانراوه‌، به‌ڵام پۆلیس و میدیا به‌ 30 هه‌زار که‌سیان خه‌مڵاند، که‌ دیاره‌ ژماره‌که‌ زۆر له‌وه‌ زیاتر بووه‌. له‌م خۆپیشاندانه‌دا توندوتیژیه‌کی بێوێنه‌ له‌لایه‌ن هێزەکانی پۆلیسه‌وە به‌ به‌کارهێنانی هێلیکۆپته‌ر و پۆلیسی ئه‌سپسوار و کوتەك بەدەست و ‌هه‌رچی تر له‌ده‌ستیان هات، نیشاندرا. پۆلیس چه‌ند هه‌زار کەسێکی ترنجاندبووه‌ شوێنیێکی بچکۆله‌وه‌ و ڕێگەیان پێنه‌ده‌درا تا ده‌رچن تەنانەت بچن بۆ سه‌رئاویش. له‌م ڕۆژه‌دا ژماره‌یه‌کی زۆر له‌ فێریاران و خوێندکاران ده‌ست گیرکران، زیاتر لە 38 که‌س له‌ نێوانیاندا چه‌ند پۆلیسێکیش بریندار بوون. یه‌کێك له‌ خوێندکارەکان زۆر به‌ قوڵی له‌لایه‌ن پۆلیسه‌وه‌ بریندار کرا و مێشکی لێدانی خواردووە و زیاتر له‌ 3 کاتژێر له‌ ژێر نەشتەریدا بووه‌. ئه‌مڕۆ خوێندکاران کاتژێر 3.30ی پاشنیوەڕۆ له‌به‌رده‌م خه‌سته‌خانه‌ی (چارینکرۆس)دا که‌ خوێنکار بریندارەکه‌ی لێ بەستەری کراوە و هێشتاکە بێهۆشه‌، کۆبوونەوە و ناڕه‌زاییه‌کی گه‌وره‌یان له‌ دژی پۆلیس به‌رپا کرد.

سه‌ره‌نجامی ده‌نگدانەش بەو جۆرە بوو، که‌ میری ده‌یخواست و پەروەندەکەیان به‌ 21 زیاده‌ ده‌نگ برده‌وه‌، ئه‌مه‌ش ئەوە دەگەیێنێت، کە ئیتر ده‌بێته‌ یاسا. وه‌کو خوێندکاران خۆیان ده‌ه‌یڵێن، پەروەندەکه‌یان له‌ده‌نگدا دۆڕان، به‌ڵام جه‌نگه‌که‌یان نه‌دۆڕاندووه‌ و په‌یمانیان تازه‌ کرده‌وه‌، که‌ خۆپیشاندان و ناڕه‌زایی هه‌ر به‌رده‌وام ده‌بێت، تاکو ده‌وڵه‌ت پاشه‌کشه‌ له‌و یاسایه‌ ده‌کات.

له‌لایه‌کی تریشه‌وه‌ ده‌بێت ئه‌وه‌ به‌یاد بهێنینه‌وه‌، که‌ تا ئێستاش زیاتر له‌ 32 زانکۆ له‌لایەن خوێندکارانه‌وه‌ هه‌ر ده‌ستیان به‌سه‌رداگیراوه‌ و له‌ هه‌نێکیاندا خۆیان کاروباره‌کان به‌ڕێوه‌ده‌به‌ن.

[youtube=http://www.youtube.com/watch?v=qtRvZ6wTkfk]

Brîtanya: xopîşandan û narrezayî xwêndkaran û fêryaran her berdewame

dwênê 09î dêsemberî2010 , ke pley germa le sfir û dwatir geyişte jêr sfir, deyan hezar xwênkar û wi mamosta û wanebêjekanî zankokan letek jmareyekî zor le xellkanî piştîwanîger, rjane ser şeqamekanî lenden û gorrepanî perrleman û trafgeriskwêr û dewruberî ew telaraney ke serokşalyar û şalyarekanyan têda nîştecên û şwêne hestyarekanî tir, taku fşarêkî zor bxene ser endamanî perrleman, ke hawkat dwênê le parlemanda dengyan leser pirsî xwêndkaranî zanko û brrînî yarmetî bo gencan û lawan, deda.

le rastîda jmarey narrezayî derbrran ta êstake betewawî nezanrawe, bellam polîs û mîdya be 30 hezar kesyan xemlland, ke dyare jmareke zor lewe zyatir buwe. lem xopîşandaneda tundutîjyekî bêwêne lelayen hêzekanî polîsewe be bekarhênanî hêlîkopter û polîsî espiswar û kutek bedest û herçî tir ledestyan hat, nîşandra. polîs çend hezar kesêkî trincandbuwe şwênyêkî biçkolewe û rêgeyan pênededra ta derçin tenanet bçin bo serawîş. lem rojeda jmareyekî zor le fêryaran û xwêndkaran dest gîrkran, zyatir le 38 kes le nêwanyanda çend polîsêkîş brîndar bûn. yekêk le xwêndkarekan zor be qullî lelayen polîsewe brîndar kra û mêşkî lêdanî xwarduwe û zyatir le 3 katjêr le jêr neşterîda buwe. emrro xwêndkaran katjêr 3.30î paşnîwerro leberdem xestexaney (çarînkros)da ke xwênkar brîndarekey lê besterî krawe û hêştake bêhoşe, kobûnewe û narrezayyekî gewreyan le djî polîs berpa kird.

serencamî dengdaneş bew core bû, ke mîrî deyixwast û perwendekeyan be 21 zyade deng birdewe, emeş ewe degeyênêt, ke îtir debête yasa. weku xwêndkaran xoyan deeyllên, perwendekeyan ledengda dorran, bellam cengekeyan nedorranduwe û peymanyan taze kirdewe, ke xopîşandan û narrezayî her berdewam debêt, taku dewllet paşekşe lew yasaye dekat.

lelayekî trîşewe debêt ewe beyad bhênînewe, ke ta êstaş zyatir le 32 zanko lelayen xwêndkaranewe her destyan beserdagîrawe û le henêkyanda xoyan karubarekan berrêwedeben.

هاوڕێیان، خوێنه‌رانی هێژا، سه‌کۆی ئه‌نارکیستانی کوردستان, وەك سەکۆی سۆشیالیستە ئازادیخوازەکان، پێویستی بە هاریکاری ،ڕەخنە، پشنیار، ڕێنوێنی، وتار و هەواڵ و ڕاپۆرتی خەباتی ڕۆژانەی جەماوەری ئێوەیە هەیە لە هەر کوێیەکی جیهاندا دەژین.

hevallan, xwêneranî hêja, sekoy enarkîstanî kurdistan, wek sekoy soşyalîste azadîxwazekan, pêwîstî be harîkarî , rexne, pişnyar, rênwênî, wtar û hewall û raportî xebatî rojaney cemawerî êweye heye le her kwêyekî cîhanda dejîn.

anarkistan@activist.com