ئێران: شەش مانگ زیندانی بۆ ڕەزا ڕەخشان لەبەر چالاکی سەندیکایی

ئێران: شەش مانگ زیندانی بۆ ڕەزا ڕەخشان لەبەر چالاکی سەندیکایی

هەواڵنێری هرانا– بەشی ١٣ی دادگەی چاوپێداخشاندنەوەی ئەهواز، ڕەزا ڕەخشان، سەرۆکی لێژنەی بەرێوەبەرایەتی سەندیکای (نیشکر هفت تپە)ی بە تۆمەتی بلاوکردنەوەی درۆدەلەسە بە ٦ مانگ زیندان سزادا.

بەپێی زانیاری پەیامنێران هەواڵنیری مافی مرۆڤی ئێران “هرانا” لە کاتێکدا ئەم سزایە دەردەچێت، کە ڕەزا ڕەخشان لە دادگەی سەرەتاییدا لە ژێر تۆمەتی بڵاوکردنەوەی درۆودەلەسە و شێواندنی ڕای گشتی ڕزگاری بوو بوو و بە ٣٠ ملیۆن تومان بارمتە ئازاد کرابوو.

لە کاتێکدا کە تۆمەتی بڵاوکردنەوەی درۆودەلەسە بۆ ڕەزا ڕەخشان دەبێتە هۆی سزای زیندانیکردن، پێش ئەوە لێژنەی بەڕێوەبەرایەتی سەندیکا و خێزانەکانیان لە نامەیەکی هاوبەشدا بۆ دادگەی چاوپێداخشاندنەوە گشت کارەکانی ڕەزا ڕەخشان کە بوونەتە هۆی تاوانبارکردنی، لە چوارچێوەی ئەرکە سەندیکاییەکانی ئەودا دەبینن و ئەوەیان دڵنیاکردبووەوە کە هیچکام لە هەنگاوەکانی وی و هەروەها نوووسینەکەی ڕەزا ڕەخشان لە ژێر ناونیشانی “ئێمە یەك خێزانین”، کە ئەوڕۆکە وەك بەڵگەی تاوانباری ئەو لەبەرچاو دەگیردرێت، هەنگاو و کاری تاکەکەسیی ئەو نەبوون و ئەو هیچ جۆرە لێپرسراوەتییەکی تاکەکەسیی لە بەرامبەر ئەو هەنگاوانەدا لە ئەستۆ نییە.

بەڵام دادگەی چاوپێداخشاندنەوەی ئەهواز بەبێ سەرنجدانی یەم بەڵگەنامەیە و گەواهییەکان، شتگەلێکی تری بۆ پەروەندەکەی زیادکرد و ئەوی بە تۆمەتی بڵاوکردنەوەی درۆودەلەسە بە ٦ مانگ زیندانی سزا دا.

سایانی باسە، کە بەپێی یاساکانی داد، تۆمەتی بڵاوکردنەوەی درۆودەلەسە تەنیا لە بارێکدا دەتوانێت لە دادگە پرسییەکاندا کاری لەسەر بکرێت، کە سکاڵاگەرێکی کەسیی ئەم تۆمەتەی خستبێتە ڕوو. (مادە ٦٩٨ کە پەیوەست بە تۆمەتباری بڵاوکردنەوەی درۆودەلەسە و شێواندنی ڕای گشتییە، دەستنیشانکراو لە یاساکانی سزای ئیسلامیدا باسی لەو شتە کردووە. ویرای هەموو ئەمانە لە مادەی ٧٢٧ یاساکاندا هاتووە، کە ئەم تۆمەتە بێجگە بە سکاڵای سکاڵاگەری کەسیی، بەدواداچوونی لەسەر ناکرێت) لە بارەی ڕەزا ڕەخشان هیچ سکاڵاگەرێکی کەسیی لە ئارادا نەبووە.

ڕەزا ڕەخشان پاش عەلی نەجاتی دووەمین سەرۆکی لێژنەی بەڕێوەبەرایەتی (نیشکر هفت تپە)یە، کە بە سەپاندنی زیندان سزا دراوە. پیش ئەوە ئەندامانی تری لێژنەی بەرێوەبەرایەتی، فەریدونی نیکوفەرد، قوربان عەلیپور، موحەمەد حەیدەری مهر و جلیل ئەحمەدی)یش بە تاوانی چالاکی سەندیکایی هەر یەك ٦ مانگیان لە زینداندا بەسەر بردووە.

سەرچاوەی هەواڵ: http://www.hra-news.org/1389-01-27-05-29-12/5438-1.html

 

êran : şeş mang zîndanî bo reza rexşan leber çalakî sendîkayî

hewallnêrî hrana- beşî 13î dadgey çawpêdaxşandnewey ehwaz, reza rexşan, serokî lêjney berêweberayetî sendîkay (nîşkir hift tpe)î be tometî blawkirdnewey drodelese be 6 mang zîndan szada.

bepêy zanyarî peyamnêran hewallnîrî mafî mrovî êran “hrana” le katêkda em szaye derdeçêt, ke reza rexşan le dadgey seretayîda le jêr tometî bllawkirdnewey drowdelese û şêwandnî ray giştî rizgarî bû bû û be 30 milyon tuman barimte azad krabû.

le katêkda ke tometî bllawkirdnewey drowdelese bo reza rexşan debête hoy szay zîndanîkirdin, pêş ewe lêjney berrêweberayetî sendîka û xêzanekanyan le nameyekî hawbeşda bo dadgey çawpêdaxşandnewe gişt karekanî reza rexşan ke bûnete hoy tawanbarkirdnî, le çwarçêwey erke sendîkayyekanî ewda debînin û eweyan dillnyakirdbuwewe ke hîçkam le hengawekanî wî û herweha nûusînekey reza rexşan le jêr nawnîşanî “ême yek xêzanîn”, ke ewroke wek bellgey tawanbarî ew leberçaw degîrdrêt, hengaw û karî takekesîy ew nebûn û ew hîç core lêprisrawetîyekî takekesîy le beramber ew hengawaneda le esto nîye.

bellam dadgey çawpêdaxşandnewey ehwaz bebê serincdanî yem bellgenameye û gewahîyekan, şitgelêkî trî bo perwendekey zyadkird û ewî be tometî bllawkirdnewey drowdelese be 6 mang zîndanî sza da.

sayanî base, ke bepêy yasakanî dad, tometî bllawkirdnewey drowdelese tenya le barêkda detwanêt le dadge pirsîyekanda karî leser bikrêt, ke skallagerêkî kesîy em tometey xistbête rû. (made 698 ke peywest be tometbarî bllawkirdnewey drowdelese û şêwandnî ray giştîye, destnîşankraw le yasakanî szay îslamîda basî lew şte kirduwe. wîray hemû emane le madey 727 yasakanda hatuwe, ke em tomete bêcge be skallay skallagerî kesîy, bedwadaçûnî leser nakrêt) le barey reza rexşan hîç skallagerêkî kesîy le arada nebuwe.

reza rexşan paş ‘elî necatî duwemîn serokî lêjney berrêweberayetî (nîşkir hift tpe)ye, ke be sepandnî zîndan sza drawe. pîş ewe endamanî trî lêjney berêweberayetî, ferîdunî nîkuferd, qurban ‘elîpur, muhemed heyderî mhir û clîl ehmedî)îş be tawanî çalakî sendîkayî her yek 6 mangyan le zîndanda beser birduwe.