ئێران: کۆبوونەوەی دووبارەی کرێکارانی ڕستنی (خاور)ی ڕەشت

دووبارە کۆبوونەوەی کرێکارانی ڕستنی (خاور)ی ڕەشت

هەواڵنێری هرانا– بە دوای بەجێنەهێنانی بەڵێنە دراوەکان بە کرێکارانی ڕستنی (خاور)ی ڕەشت، ڕۆژی شەممە ٠٤ی دێسەمبەری ٢٠١٠ ژمارەیەکی زۆر لە کرێکارەکان لە کاتژیر ٨ی بەیانییەوە بەرامبەر بەڕێوەبەرایەتی پیشەسازی و کانەکانی ڕەشت کۆبوونەوە.

بەپێی راپۆرتی کۆمیتەی هەماهەنگی، کرێکارانی ئەو کارخانەیە ماوەی ٩ مانگە هیچ جۆرە موچە (کرێ)یەکیان وەرنەگرتووە، ئەمە لا کاتێکدایە کە خاوەنکار چەندین جار بە بیانووی دانەوەی قەرز و دانی موچەی دواخراوی کرێکارانەوە، توانیویەتی قەرزی گەورە لە بانکەکانی پارێزگەی ڕەشت وەربگرێت و بە هیچ جۆرێك موچەی کرێکارەکانی نەداوە.

کرێکارانی کۆوەبوو، کە زۆر توڕەبوون، ڕایانگەیاند کە چیتر بڕوا بە بەڵێنە دراوەکانی ناکەن و تا وەرگرتنی موچەی دواخراویان درێژە بە کۆبوونەوەکەیان دەدەن.

لەم نێوەدا هەوڵی لێپرسراوانی پارێزگە بۆ رازیکردنی کرێکارەکان بۆ کۆتاییهێنان بە کۆبوونەوەکەیان تا ئێستا بێ سەرەنجام بووە.

سەرچاوە: http://www.hra-news.org/1389-01-27-05-29-12/5502-1.html

 

dûbare kobûnewey krêkaranî ristnî (xawr)î reşt

hewallnêrî hrana- be dway becênehênanî bellêne drawekan be krêkaranî ristnî (xawr)î reşt, rojî şemme 04î dêsemberî 2010 jmareyekî zor le krêkarekan le katjîr 8î beyanîyewe beramber berrêweberayetî pîşesazî û kanekanî reşt kobûnewe.

bepêy raportî komîtey hemahengî, krêkaranî ew karxaneye mawey 9 mange hîç core muçe (krê)yekyan wernegirtuwe, eme la katêkdaye ke xawenkar çendîn car be byanûy danewey qerz û danî muçey dwaxrawî krêkaranewe, twanîwyetî qerzî gewre le bankekanî parêzgey reşt werbigrêt û be hîç corêk muçey krêkarekanî nedawe.

krêkaranî kowebû, ke zor turebûn, rayangeyand ke çîtir birrwa be bellêne drawekanî naken û ta wergirtnî muçey dwaxrawyan drêje be kobûnewekeyan deden.

lem nêweda hewllî lêprisrawanî parêzge bo razîkirdnî krêkarekan bo kotayîhênan be kobûnewekeyan ta êsta bê serencam buwe.