بریتانیا: سۆراخکردن و دەستگیرکردنی چالاکڤانانی خۆپیشاندانەکانی خوێندکاران

دوای خۆپیشاندانه‌که‌ی هه‌فته‌ی ڕابوردووی خوێندکاران، پۆلیس و ڕۆژنامه زه‌رده‌کانی سه‌ر به‌ ده‌وڵه‌ت کەوتوونەتە سۆراخکردنی ناو‌ و ئەدرەسی که‌سه‌ چالاکه‌کانی ناو خۆپیشاندانه‌که‌ ده‌کەن تاکو بیانده‌ن به‌ دادگە. یه‌که‌م لێپرسینەوەی پۆلیس ئه‌ وه‌‌ بوو، که‌ یه‌کێك له‌ سایته‌کانی ئه‌نارکسته‌کان، که‌ به‌ نێوی Fitwatch داخرێت، گوایه‌ ئه‌م سایته‌ ئامۆژگاری ئه‌و خوێندکارە چالاکانه‌ ده‌کات، که‌ به‌شدارییان له‌ خۆپیشاندانه‌کادا کردووه‌، چۆن خۆیان له‌ گرتن له‌لایه‌ن پۆلیسه‌وه‌، بپارێزن. پۆلیس ئه‌مه‌ به‌ تاوان داده‌نێت و به‌وه‌ی دادەنێت، که‌ خەڵك بۆ تاوانکردن و خۆشارنه‌وه‌، هاندەدات. گه‌لێك هۆی تریشیان بۆ داخستنی ئه‌م سایتە، [به‌لایه‌نی که‌مه‌وه‌ بۆ ماوەی 12 مانگ] دۆزیه‌وە. پۆلیس تا ئیستا 50 خویندکاری ده‌ستگیرکردووه‌، که‌ چالاکانه‌ لە خۆپیشاندانەکاندا به‌شداریان کردووه‌.

شایانی باسه‌، دوێنێ 16.11.2010 هه‌ر به‌ داخستنی ئه‌و سایته‌ زیاتر له‌ 70 سایتی تر کرانەوە، که‌ له‌م سایتانه‌دا وەك ڕه‌دانەوەی یه‌کێك له‌و ڕۆژنامانه‌ی که‌ ‌ هه‌وڵی سۆراخی خوێندکارانی داوه‌،[ڕۆژنامه‌ی ده‌یلی ته‌له‌گراف] ئامۆژگاری بە سوودی خوێندکاران ده‌کەن، ئەو خوێندکارانەی کە ترسیان له‌ گرتنی خۆیان هه‌یه‌، تاوەکو هه‌وڵ بده‌ن، شێوه‌ی خۆیان بگۆڕن، سه‌ریان بتاشن یا قژ بهێڵنەوه‌، ڕه‌نگی قژیان بگۆڕن، چاویلکه‌ له‌ چاو بکه‌ن، ئه‌و پۆشاکانەی، که‌ له‌ به‌ریاندا بووه، له‌ناویان به‌رن، ژماره‌ی مۆبایه‌ڵکانیان بگۆڕن گه‌ڵێك شێوازی پاراستنی تر.

هه‌روه‌ها له‌ هه‌مان کاتدا یه‌کێک له‌ گروپه‌کان له‌ هه‌فته‌ی ئاینده‌دا خولێکی یەك ڕۆژە بۆ هه‌ر چه‌پ و ئه‌نارکستێك، که‌ خوازیاری بەشداریکردن بێت، ده‌کاته‌وه‌ و خولەکه‌ش لە بارەی ئەوەیە، که‌ چۆن مامه‌ڵه‌ی میدیا ده‌که‌یت و هه‌ندێك شتی تری وه‌کو خۆشاردنه‌وه‌ و چۆنیەتی بەرگری بەرامبەر هێڕشی پۆلیس له‌ کاتی هەستان بە چالاکی ڕاسته‌وخۆدا. لەمەڕ ئەو خولە پەیام بۆ هەموو گروپه‌ ئه‌نارکسته‌کان چووه‌، تاکو بەشداری بکەن.‌

soraxkirdin  û destgîrkirdnî çalakvananî xopîşandanekanî xwêndkaran

dway xopîşandanekey heftey raburdûy xwêndkaran, polîs û rojname zerdekanî ser be dewllet kewtûnete soraxkirdnî naw û edresî kese çalakekanî naw xopîşandaneke deken taku byanden be dadge. yekem lêpirsînewey polîs e we bû, ke yekêk le saytekanî enarkistekan, ke be nêwî Fitwatcih  daxrêt, gwaye em sayte amojgarî ew xwêndkare çalakane dekat, ke beşdarîyan le xopîşandanekada kirduwe, çon xoyan le girtin lelayen polîsewe, bparêzn. polîs eme be tawan dadenêt û bewey dadenêt, ke xellk bo tawankirdin û xoşarnewe, handedat. gelêk hoy trîşyan bo daxistnî em sayte, [belayenî kemewe bo mawey 12 mang] dozyewe. polîs ta îsta 50 xuyindkarî destgîrkirduwe, ke çalakane le xopîşandanekanda beşdaryan kirduwe.

şayanî base, dwênê 16.11.2010 her be daxistnî ew sayte zyatir le 70 saytî tir kranewe, ke lem saytaneda wek redanewey yekêk lew rojnamaney ke  hewllî soraxî xwêndkaranî dawe,[rojnamey deylî telegraf] amojgarî be sûdî xwêndkaran deken, ew xwêndkaraney ke tirsyan le girtnî xoyan heye, taweku hewll bden, şêwey xoyan bgorrn, seryan btaşn ya qij bhêllnewe, rengî qijyan bgorrn, çawîlke le çaw bken, ew poşakaney, ke le beryanda buwe, lenawyan bern, jmarey mobayellkanyan bgorrn gellêk şêwazî parastnî tir.

herweha le heman katda yekêk le grupekan le heftey ayindeda xulêkî yek roje  bo her çep û enarkistêk, ke xwazyarî beşdarîkirdin bêt, dekatewe û xulekeş le barey eweye, ke çon mamelley mîdya dekeyt û hendêk ştî trî weku xoşardnewe û çonyetî bergrî beramber hêrrşî polîs le katî hestan be çalakî rastewxoda. lemerr ew xule peyam bo hemû grupe enarkistekan çuwe, taku beşdarî bken.