ئێران: ده‌رکردنی 40 که‌س له‌ کرێکارانی کارخانه‌ی لوله‌ سازی خوزستان

40 که‌س له‌ کرێکارانی کارخانه‌ی لوله‌ سازی خوزستان سه‌ره‌ڕای ئه‌وه‌ی که‌ موچه‌ی دواکه‌وتووی15 مانگیان هێشتاکه‌ وه‌رنه‌گرتبوو. هه‌فته‌ی ڕابوردوو له‌سه‌ر کار ده‌رکران. یه‌کێك له‌ کرێکاره‌کانی لوله‌ سازی خوزستان له‌م باره‌وه‌ وتی: هه‌موو کرێکارانی کاتیی و هه‌موو کرێکارانی فه‌رمی 15 مانگ موچه‌مان وه‌رنه‌گرتووه‌، به‌ڵام لێپرسراوان و خاوه‌نی کۆمپانی که‌ ده‌ستیان له‌ ده‌ستی یه‌کدایه‌، به‌ شێوه‌ی جۆراوجۆر له‌ به‌رامبه‌ر داخوازییه‌کانی ئێمه‌دا سه‌رباده‌ده‌ن و تا ئه‌و جێیه‌ی که‌ بۆیان بلوێت دژی کرێکاران ده‌جوڵێنه‌وه‌. به‌و جۆره‌ هه‌فته‌ی ڕابوردوو 40 کرێکار که‌ هه‌مووان دارای زیاتر له‌ 22 ساڵ پێشینه‌ی کار له‌م کۆمپانییه‌دا بوون، له‌سه‌ر کار ده‌ریانکردن. ئه‌مه‌ له‌ کاتێکدا ڕووده‌دات، که‌ هه‌ر کام له‌و کرێکارانه‌ 15 تا 16 مانگ موچه‌یان وه‌رنه‌گرتووه‌ و به‌باری ئاساییدا ده‌بێت ده‌بوو خانه‌نشین بکرێن.

 

êran: derkirdnî 40 kes le krêkaranî karxaney lule sazî xuzistan

 

40 kes le krrîkaranî karxaney lule sazî xuzistan sererray ewey ke muçey dwakewtûy15 mangyan hêştake wernegirtbû. heftey raburdû leser kar derkran. yekêk le krêkarekanî lule sazî xuzistan lem barewe wtî: hemû krêkaranî katîy û hemû krêkaranî fermî 15 mang muçeman wernegirtuwe, bellam lêprisrawan û xawenî kompanî ke destyan le destî yekdaye, be şêwey corawcor le beramber daxwazîyekanî êmeda serbadeden û ta ew cêyey ke boyan bilwêt djî krêkaran decullênewe. bew core heftey raburdû 40 krêkar ke hemuwan daray zyatir le 22 sall pêşîney kar lem kompanîyeda bûn, leser kar deryankirdin. eme le katêkda rûdedat, ke her kam lew krêkarane 15 ta 16 mang muçeyan wernegirtuwe û bebarî asayîda debêt debû xanenşîn bikrên.